Sophie Hunger Heicho Lyrics

Mami, sitz ab, i mues dir öbis sägä
Du bisch perfekt gsi, Neopren im Rägä
I cha vier Sprache, und weiss "nei" z'sägä
Aber i wott meh vom Läbä
I weiss nid wie langs wird wärde
Und I weiss nid wohie das füert
I hane Plastiksack mit Gmües
Und es fatalistischs Gmüet

Aber i chume
Sicher hei cho stärbe

Mami, I bi so stolz gsi
Ha allne Flugzüg gwunke
Und am 4i am morge für d'Touriste us dr Limmat trunke
E halb Stund drufabe
Bini kollabiert ufem Badzimmerbode
Und i vermisse jetzt scho üsi gheimi Sprach
Aber i ha nüt meh z'sägä, es geit um das
Du muesch nid trurig si, i bruche Füür i mir

Aber i chume
Sicher hei cho stärbe

Du muesch nid trurig sie, es geit so schnäu verbie
Du muesch nid trurig sie, es geit so schnäu verbie
Du muesch nid trurig sie, i bruche Füür i mir

Mami, i weiss, Du wirsch di super vorbereite
Für wenn i de chume zrügg
Wirsch mis Plätzli schön verteidige
Mit mim Name uf Granit
Wirsch z'Schwiezerchrütz uf Halbmast la
Und di freue über d'Farb
Wo nach allne denä Jahre
No immer so fantastisch strahlt